ممثل سوري يتحدث عن سرقة مخصصات سيارته من البنزين أمام عينينه

أوغاريت بوست (مركز الأخبار) – كتب الممثل قاسم ملحو على صفحته الشخصية في فيسبوك، يتحدث عن قصة إحدى الكازيات التي سرقت حصته من البنزين، وهويقف فوق سيارته .
وقال ملحو: اجتني رسالة البنزين بموعدها رحلت ع الكازية المحددة .. وقفت ع الدور .. وصلت ع الطرنمبه عطيتو البطاقة قلي نقطع الـ25 ليتر قلتلو اي نعم ..
سالتو ع علب الاوكتان اللي عندو، نده لزميلو المختص ببيع علب الاوكتان اخترنا وحدة وهي الاغلى، قام قلي اللي عم يعبيلي ياريت فضيناها قبل مانعبي البنزين .. المهم سحب الفرد بعد شوي وفضى العلبة بالدابو وكان المؤشر ع شاشة الطرنبه مكتوب 25 ليتر .
وتصور معي بموبايل رفيقو وطبعا اجاني رسالة ع موبايلي انو تمت التعبئة، قبل ما ادخل الكازية كان مؤشر البنزين ع النص والكمبيوار كاتبلي انو الموجود من الوقود بالدابو بمشيني 260 كم، وبعد ماعبيت وطلعت من الكازية انتبهت انو بالتابلوه كلشي ع حالو المؤشر ع النص والمسافة اللي بتمشيني عليها بنزينات الدابو 260 كم.
سالت الاصدقاء رايهم المؤشر معلق قالوا طفيها وشغلها للسيارة طبعا ماارتفع المؤشر، هي الحادثة من يومين هلق رحت ع كازية الاوكتان كنت متوقع تاخد السيارة 10 ليتر اخدت 40 وطلع المؤشر للحد الاقصى
وقتها فقط اتاكدت انو صاحبنا تبع الكازية من يومين ماعبالي ولانقطة بنزين، اي والله هذا ماحدث.